إلى الطائر المسافر

هـذه الكلمات إلى طائر وفارس من فرسان الكـلمه.
طائر غـرد وحلق في سمـاء الحـق ...
ثم طار بعيـداً وتركنا بلا فارس..
إلى الأستاذ :مجـدي مهنا...

ما لسه بدري يا مهـنا..
سـايبنا ورايح على الجـنه .
واحنا هنا على بعضنا بنتجنَـا..
كلامك كان في الممنوع.
وقـلمك كان مش ممنـوع .
ومع إنه كلام في الممـنوع ..
إلا إن كل إللي كانوا في الممـنوع ..
زعلوا عليك وقالـوا ..
ما لسه بدري يا مهـنا.

أنـا العــصفـور

أكتب هذه الكلمات لكـل من يعانون الغربه والإحساس بالوحده,فقد كتـبت عليَ الغربـه منذ أن كان عمري ثـلاث سنوات,لا أعرف لي مكانـاً محدداً , ولايوجد لي ذكريات في بلـدي عندما أمر عليها أتذكرها,ولا حتى أصدقاء طفوله (تخيلوا نفسي صعبت عليَ ),وعندما تزوجت ..تخيلت أن مقادير حياتي بيـدي بعد الله -عز وجـــل- ولكن الغربــه قدر ومكتوب.

أنا العصفور وليد الغـربه والتـوهـه.

أنا مشـتاق للمسة حب..وحنيَـه.

مـاشي من غير وليف ولاميه .

ماشي أبص ع الورد والجناينيَه.

وأنا في غربـتي وحدي...

والناس في بـلدي متهنيَه.

إمتى هرجع لِك يابلـدي

وأكون مع الناس متهنيه.

ولما رسيت قلت خلاص

بقيت في بلدي متهنيَه.

وهاخد الورد من الجناينيَه.

أتاريني بابتدي الغربه من تاني.

ومش عارفه هكون فين تاني.

وإمتى هرجع ........

ولاَ هـفضل في الغربه من تاني

ما هو أنا العصفور إللي راجع

للتوهه من تاني.